<![CDATA[<del id="eaqaa"></del>]]><![CDATA[<del id="eaqaa"></del>]]><![CDATA[<menuitem id="eaqaa"></menuitem>]]> <h3>盛澤老早人稱小上海，故如365個行當么缺起來也有限適是待。從金銀首飾到修甕補壇磨剪刀，彈棉花，打鐵，箍桶匠，小熱昏賣糖，終歸話得出樣樣有。從西蕩口到東白洋格市河兩邊么儕是各式各樣個店家嘮作坊。市河北面么朝南向陽，故如店家亦要多點。谷香村，汪鼎興，孔雀理發(fā)店，中牛倌，布線店，同福，石庫門堂餛飩店，小百貨儕勒北灘。嘸不店面刮么人么，就加早出夜歸，勒河邊出個攤。香燭，紙扎，煙紙，鞋子，做衣裳格種夫妻老婆店么儕勒弄頭弄腦。頂頂苦惱子格么要算刮走作師傅，風(fēng)里雨里吃百家飯，真講叫免討飯罷待。</h3> <h3>西廟邊浪有家單開間格稱店，生意好到野脫。</h3> <h3>東海太平街箍桶店，老板姓許，做生意規(guī)規(guī)矩矩，小另子散格銅鈿蠻好尋兩鈿，故如吃到矮倭臀奘福德德。老板娘娘人也緣蠻好。</h3> <h3>銅匠店</h3> <h3><br></h3><h3>磨剪刀，繃粽墊，彈棉花格走作師傅；挑蔥賣菜，賣棒冰，收舊貨，賣糖格販子儕會得唱兩聲。小百喜總歸要學(xué)脫兩句。</h3><h3>阿有壞格粽繃修? </h3><h3></h3><h3>削刀磨剪刀! (歡喜拆科格么板要后頭同伊加一句"撤尿割卵泡")</h3> <h3>東廟橋，得意樓茶館店對過是鐵匠店，老板姓沈，綽號"逃得快"。伊奴打鐵功夫蠻到家。聽人家講，伊打個櫓板圈扎制到野脫。故如銅鈿尋起來省力煞。老古話講起來: 木匠做一工，鐵匠只要烘一烘。</h3> <h3>涼傘作坊。</h3> <h3>凌家橋下面有家棉花店，店堂里么就有伙計勒嚯彈棉花被頭。背浪要背只弓，前面么有根鋼絲，彈格辰光，手里有個木榔頭要敲根鋼絲，敲起來會得同琴也格響格，人么還要銃脫銃上，好比勒嚯跳舞。</h3> <h3>市河南面，當房隔壁就是籃笪店。</h3> <h3>討新娘子，囡魚出嫁儕要到金店打項鏈，戒指，耳朵圈。小百喜出世么打鐲頭，鎖片，討吉利。</h3> <h3>東白洋，煤球廠煤場，原來就是修船場。跑過船場，總歸聽到叮叮咚咚格修船聲。修船用桐油拌石灰加麻絲嵌進去，敲著實，等到干仔，浸了水里就勿會爛。</h3> <h3>連順醬園么搭畫里一樣有只半人高格賬臺，專門賣油鹽醬醋嘮過粥小菜。后門頭么有片白場，場浪有幾嚯格七石缸，賣個么事多數(shù)儕是勒格牢做格。老早也勿搭現(xiàn)在也格弄點啥儕要放防腐劑，格歇光么儕是出赤天露日擺勒外頭，落雨嘮蓋一蓋。醬缸里蛇蟲百腳也有，蒼蠅叮仔還要出蛆，扭法扭法。叫勿看見么當伊嘸介事，眼勿見為凈，看著仔隔夜飯也要嘔出來，啥人觸祭得進呀。</h3> <h3>繡花娘子。</h3> <h3>路頭堂久和米行貼對么是卓順師傅開個白鉛店。日日看伊拉夫妻兩個敲敲督督忙到只勿得腳也掮起來。雕叫做起做到鬼叫，也勿尋啥銅鈿。養(yǎng)仔四個小人到儕蠻登樣。皮膚雪白粉嫩，男也架型嘮女也齊整?？嗝纯?，伊自家到也落出肚子。一路做生活么戲也唱唱，蠻自得其樂。</h3> <h3>搖繩店勒秀才浜，派出所對過。繩么有棕繩，麻繩，還有柴繩。</h3><h3>勿知阿有人記得，格辰光有個毒頭，姓戚，儕家叫伊毒阿龍? 也大概讀過兩年書，伊到識兩格狗逼字。十七八歲格兆俚頭，有點花癡，便也癡了街浪作"報告"。面孔么笑嘻嘻，話喊儕家，伊么苦煞，屋里有只柴繩機，要叫伊一日到夜搖繩。還話伊么有個女朋友，勒上海針科大學(xué)讀書。格辰光個人么觸祭仔空得肆，儕勒大街浪嗡牢伊，聽伊"作報告"，日日格兩聲，就是聽勿厭。有兩個十三點么還要拆伊苛，弄伊頭頸。</h3> <h3>蔡福么實際浪是爿南貨店。那么小地方么管伊三七廿一，雜七雜八格么事也儕要賣格。干貨，蜜餞，糖果包扎，火腿，香煙樣樣有。店么勒新街浪轉(zhuǎn)彎角子，對過么修鐘表。店堂么三開間門面，寬舒到海偉。嘸不生意格歇么，店里廂格伙計看看野景，南千田，北萬地，談?wù)勅＝?jīng)到也蠻樂惠。有常時，有刮吃得空格熟人么也要戤上去戤脫兩聲。那么，有兩個老鬼三，勿識相，真叫十三點，膩百伍，卵也勿懂一只么偏要嘰呱帶喊，碰著有知識格人么皺皺伊鼻頭，脖轉(zhuǎn)就走；碰著勿賣賬格犟頭鬼么就要同伊拉尋相罵，弄得勿好還要打相打。</h3> <h3>太平街，三泰染坊</h3> <h3>石匠師傅端獅子。</h3> <h3>北斗(缽頭)弄西隔壁有家人家么雕花格。臺條椅櫈格種硬頭家生浪格花板么儕叫伊拉雕格。</h3> <h3>造房子格泥水木匠。</h3> <h3>修棕繃，繃棕墊么蠻多是寧波，紹興人。</h3> <h3>綢業(yè)公司場浪格角朶里有一對夫妻爆咚米，姓李。公婆兩個儕蠻好人，善兮兮。</h3> <h3>磨剪刀。</h3> <h3>裱糊店。</h3>